CMRD - Projects 

නගරයේ ඉතා දිළිඳු ප්‍රදේශවල කොටුවූ ජන කොටස්වල සමාජීය ප්‍රගමනයට අත්වැලක්

පසුබිම

අපගේ ජාත්‍යන්තර හවුල්කරුවන් වන සසෙක්ස්, SOAS, ඩරම් සහ ෂෙෆීල්ඩ් යන විශ්වවිද්‍යාලත්, බ්‍රිතාන්‍යයේ රාජකීය භූගෝලීය සංගමයත් සමඟ ඒකාබද්ධව අප ආයතනය 2016 ඔක්තෝබර් සිට සමීක්ෂණ කිහිපයක් සිදු කර ඇත. මෙම සමීක්ෂණ වලට පදනම් වූයේ කොළඹ නගරය තුළ සංක්‍රමණික ඝනත්වය වැඩි අඩු ආදායම්ලාභී ප්‍රජාවන් හතරකි. ඉහළ සංක්‍රමණ ප්‍රවණතාවට අමතරව මෙම නාගරික ප්‍රජාව සමාජයීය හා පාරිසරික අභියෝගයන්ටද, ආදායම් සහ නිවාස සම්බන්ධ ගැටළුවලටද, මුහුණ දෙන අතර අවතැන් වීමටද ගොදුරු වේ. වැඩි විස්තර සඳහා ක්ෂේත්‍ර පර්යේෂණ වැඩසටහන බලන්න.

පර්යේෂකයන් සහ සගයන් ක්ෂේත්‍ර චාරිකාවක

කොළඹ අධ්‍යයනය කෙරෙන ස්ථාන



අධ්‍යයන ස්ථාන

ලුණුපොකුණ

ඇල සහ ජන ඝනත්වය වැඩි නිවාස

සමන්තාරනපුර

වීදි දර්ශන සහ ජන ඝනත්වය වැඩි නිවාස

කිරුලපන

වීදි දර්ශනය සහ ඇල

වඩුල්ල

වීදි දර්ශනය සහ නැවත පදිංචි කිරීම



ක්‍රමවේදය

ඉලක්ක කණ්ඩායම් සාකච්ඡා, Q වර්ගීකරණ සම්මුඛ සාකච්ඡා සහ කුටුම්භ සමීක්ෂණ ඇතුළත් ක්‍රමවේදයක් භාවිත කළෙමු. කුටුම්භ සමීක්ෂණය දෙමළ සහ සිංහල නිපුණත්වය ඇති සම්මුඛ පරික්ෂකයින් විසින් විද්‍යුත් පුවරු යොදා ගනිමින් සිදුකෙරිණි. පර්යේෂකයෝ විවෘත දත්ත කට්ටල මෘදුකාංගය භාවිතා කළ අතර යුනිකෝඩ් අක්ෂර යොදා ගනිමින් දෙමළ සහ සිංහල පරිවර්තන සිදු කළහ. මෙම දත්ත සමුදායන් what3words මෘදුකාංගය සමඟත් ගෝලීය ස්ථානගත කිරීමේ (GPS) තොරතුරු සමඟත් සම්බන්ධ කර ඇති නිසා පහසුවෙන් භූගෝලීය ප්‍රදේශවලට අදාල තොරතුරු ලබා ගත හැක. පුහුණුවීම් හා ක්ෂේත්‍ර ක්‍රියාකාරකම් වල ඡායාරූප පහත දැක්වේ.




තොරතුරු ව්‍යාප්තිය

ප්‍රතිපත්ති සම්පාදකයින් සහ නගරවාසීන් සමඟ වැඩමුළු පවත්වා පර්යේෂණ සොයා ගැනීම් සාකච්ඡා කර පසුව ශාස්ත්‍රීය ලිපි පළකිරීමට බලාපොරොතු වේ.